明天就開賣，係，我承認十分十分緊張，呢場純野佬嘅音樂會已經係計三年前2018年後的一場！上次仲要係大玩90s-00s Cover 歌嘅主題音樂會 red hot hits!!
2019年大家無曬心機做音樂，阿基又決定返加拿大。諗住運作上無大變，科技發達，要做歌尐files send 來send 去咪得囉！佢仲話如果要返嚟香港做show 好方便啫！當時大家都覺得係！
但2020年呢？ 大家都冇諗過疫情的影響力！走咗嘅要返嚟真係唔容易、唔方便！
要等齊人做個show, 連我都唔知會係幾時？
今次，我希望係最後一次咁嘅形式上嘅音樂會，下次唔會知係幾時！
至於新歌，係一種思念，係一種，我跟你一起經歷緊，對依依不捨嘅朋友、家人嘅一種思念！無可避免的題材。正正因為現在嘅時勢，每天都有著不同朋友離開呢個家，不停的聚會是farewell , 不停的散落在地球上某一方繼續找尋新生活。而今次散，的確又未知幾時再重聚⋯⋯ 老土咁講，後會無期。
但係，剩低的我們，就是要站起來說繼續的人！無力感？有呀！係咪要停擺一切一切的計劃呢？唔會，唔會，唔可以呀！
那些年你的熱血到死去了那裏？
雖然，我控制唔到究竟有幾多人會睇一場唔齊人嘅野佬， 但係，我知道呢個地方還有很多人跟我一起努力留低做一些更有價值嘅事情！
縱使最後得一百人在場，我知道你已經用最大嘅支持，支持呢班佬s! 我地一定會200%嘅力同大家癲返晚！
到時，我希望自己能夠做到嘅係忍住淚水！👌🏻🤜🏼🤛🏻
多謝你哋一路以嚟嘅支持！
*再次感激一路上幫過野佬的任何人！
一粒佬
小胡上
Search